Sarwo Darmono LUCU NING ORA LUCU (Geguritan)

Sarwo Darmono

LUCU  NING  ORA  LUCU
(Geguritan)
               
Nek ndelok Kahanan kang ana , Kudune pancen Lucu ,
Ning sak jane  ya.. ora Lucu
Ora lucu dikongkon lucu. Wis Lucu Ora ana sing ngguyu
Ana sing ngguyu  karo Mecucu . Ana sing ngguyu  karo mlayu
Gek.. ra lucu kepiye…?
Ora Lara digawe Lara , Larane mung kala kala
Yen perkarane di Bwyowara
Dadi panguwasa isone mung Cidro
Dadi Panguwasa gawene mung numpuk Arto
Ora peduli Kawulone Urip Sengsara
Jarene dadi Panutan Kawula,  Ngerti Paugeran Agama
Duwe perkara di tinggal Lunga
Umpama Yuswa…… Kadyo  Surya wis jam Lima
Kudune dadi tulada Utama
Kudune Luwih nyedek marang kang Kuwasa
Ora malah Gawe Gara gara,  Ndadekna kahanan kurang Prayoga
Lha… Piye Leh ra Lucu , Sing Blaka malah ora dipercaya
Sing Blaka dikuya  kuya ,  Sing Blaka dianggep Cidro
Sing Blaka dianggep Mung Golek Asmo
Embuh Ora Weruh , Iki Lucu apa ora
Isone mung ngguyu , Ngguyu sing ora Mutu

Lumajang Kemis Kliwon 1 Maret 2018

Sarwo Darmono ( darmo ) Jl Batanghari 4 Lumajang
Tempat Tgl lahir , Magetan 27 Oktober 1963  Pekerjaan Penyiar Radio